Text Size

કનૈયાલાલથી બાંધી ખરેખર પ્રીતડી

કનૈયાલાલથી બાંધી ખરેખર પ્રીતડી મેં તો.
રૂડા ગોપાલથી બાંધી ખરેખર પ્રીતડી મેં તો.

મધુર છે મુખ પરે મુરલી, સુહાયે શી છબી અમૂલી;
સુરતને સ્નેહથી સાંધી સુહૃદ સૌના થકી મેં તો... કનૈયાલાલથી

ત્રિભંગ કરી ઊભા પ્રેમે, હૃદય રોકાય ના કેમે;
હૃદય-મિલ્કત બધી ઢાળી ખરે એને ચરણ મેં તો... કનૈયાલાલથી

નથી જે રૂપની તુલના, ગુણોની છે નહીં ગણના;
સુધાસાગર થકી સંસારમાં મૈત્રી કરી મેં તો... કનૈયાલાલથી

વિનાશી વિશ્વમાં વાસી ખરે એ એક અવિનાશી;
ફિકર ને ભીતિને ભાંગી, કરીને પ્રીતડી મેં તો... કનૈયાલાલથી

સનાતન સુખ વસે એમાં, વસે છે શાંતિયે તેમાં;
મળી આનંદની મ્હેફિલ, કરી છે પ્રીતડી મેં તો... કનૈયાલાલથી

બની ‘પાગલ’ ચરણ એને કર્યું અર્પણ બધું મેં તો;
સમર્પણ સૌ કરી દેજે ચહે આનંદ તું પણ જો... કનૈયાલાલથી

- શ્રી યોગેશ્વરજી

 

Add comment

Security code
Refresh

Today's Quote

The best way to find yourself is to lose yourself in the service of others.
- Mahatma Gandhi

prabhu-handwriting