Text Size

એવો આશીર્વાદ આપો

એવો આશીર્વાદ આપો, ઓ અવિનાશી, એવો આશીર્વાદ આપો.
દર્શન આપીને ક્લેશ કાપો, ઓ અવિનાશી, એવો આશીર્વાદ આપો !

પર્વતનાં ઝરણાં આ, જેવાં વહ્યા કરે,
તેવા તમારી પ્રતિ ભાવો વહ્યા કરે,
એવો આશીર્વાદ આપો, ઓ અવિનાશી, એવો આશીર્વાદ આપો !

સાંજ પડયે કિરણ બધાં સૂરજમાંહી મળે,
તેમ મારો પ્રાણ એક તમને પામી મળે,
એવો આશીર્વાદ આપો, ઓ અવિનાશી, એવો આશીર્વાદ આપો !

ફૂલ જેમ ખીલીને પૂજા વનની કરે,
તેમ ફૂલ જીવનનું પૂજા તમને ધરે;
એવો આશીર્વાદ આપો, ઓ અવિનાશી, એવો આશીર્વાદ આપો !

સૂર્ય વૃક્ષ તેમ નદી સૌને ય શાંતિ દે,
તાપે તપી તેમ જીવન આનંદ દે;
એવો આશીર્વાદ આપો, ઓ અવિનાશી, એવો આશીર્વાદ આપો !

‘પાગલ’ કે’ તેજ ને છાયા શો આપણો,
કો’દી તૂટે નહીં સંબંધ આપણો;
એવો આશીર્વાદ આપો, ઓ અવિનાશી, એવો આશીર્વાદ આપો !

- શ્રી યોગેશ્વરજી

 

Add comment

Security code
Refresh

Today's Quote

Let your life lightly dance on the edges of Time like dew on the tip of a leaf.
- Rabindranath Tagore

prabhu-handwriting