Text Size

અહંકારને ધો

અહંકારને ધો, સાધક તારા, અહંકારને ધો.
તન ને મનથી સેવી એને કેવલ જો ... સાધક તારા.

લગની એવી લગાડ લાગે એના વિણ ના કો,
ગ્રંથ-જ્ઞાન-તપ-માન મૂકીને પૂજા ફૂલ બન હો ! ... સાધક તારા.

રાગદ્વેષને ટાળી દે, ના ભેદભાવથી જો.
રામ રમે છે ચરાચર મહીં, પડદો રાખે શો ? ... સાધક તારા.

મોટાઇની વાત મૂકીને બાલક બનતાં રો,
ગર્વ ગળાવી દે સઘળો યે, બડભાગી થા તો ... સાધક તારા.

હું હું – ની વાતો મૂકીને તુંની કર વાતો,
‘પાગલ’ અંતરના પટ ખૂલશે કૃપા વરસતાં હો ... સાધક તારા.

- શ્રી યોગેશ્વરજી


Add comment

Security code
Refresh

Today's Quote

Keep your face to the sunshine, and you cannot see the shadow.
- Helen Keller

prabhu-handwriting