Text Size

અમને એવા સંત મળે

અમને એવા સંત મળે.

દર્શનમાત્ર કર્યાથી જેનું, આતુર આંખ ઠરે,
અંતરને આરામ મળે ને, તાપ સમસ્ત ટળે... અમને.

શાંત પ્રસન્ન પવિત્ર સંયમી, સાચા સંત મળે;
દૂર કરે અંધાર તેજથી, ચિંતા શોક હરે... અમને.

ગંગાથી પણ નિર્મળ મનના, ભાવે હૃદય ભરે;
હિમગિરિ જેવા ગંભીર છતાં, રસના ધામ મળે... અમને.

મધુર વચનથી શાંતિ આપતા, પ્રભુને પ્રેમ કરે;
પ્રભુના દાસ સમા સંતોનાં, ચરણે મુક્તિ મળે... અમને.

- શ્રી યોગેશ્વરજી

 

Comments  

0 #2 યોગેશ કવીશ્વર 2017-03-29 14:56
અમને પણ માપ્રભુ જેવા સંત રૂપે સાક્ષાત ભગવાન મળ્યા!
+2 #1 Yatri 2013-07-03 21:22
અમને એવા સંત મળ્યા!

Today's Quote

Change your thoughts and you change your world.
- Norman Vincent Peale

prabhu-handwriting