Text Size

આવો હવે તો દાન

આવો હવે તો દાન આ દિલડાના દઉં !
તમારો હંમેશ માટે થઉં ! ... આવો હવે તો

કોની તે હૂંફ લઉં, એક તમારા વિના કોની પાસે હું જઉં ?
શીળી તે છાંયડી છોડીને શાને તીખા તડકાને લઉં ? ... આવો

આવો તો પ્રેમથી પાય પખાળું, હોંશે હોંશે કૈં ગઉં,
ખીલે છે ફૂલડાં જેવાં આ તેમ હું આવો તો ખીલી જઉં ... આવો

વેળા વીતે છે મોંઘી આ મારી, કેમ કરી શાંતિ લઉં ?
આજે તો પ્રેમ કરી આવો સવેળા કેટલી વાર તે કહું ? ... આવો

પૂજાની કોઇયે વિધિ ના જાણું, પ્રેમ છે મારે હૈયે બહુ,
'પાગલ' થૈ ચરણોમાં ઓવારી દઉં બધું, રાખો તેવો થઇ રહું ... આવો

- શ્રી યોગેશ્વરજી

Add comment

Security code
Refresh

Today's Quote

Live as if you were to die tomorrow. Learn as if you were to live forever.
- Mahatma Gandhi

prabhu-handwriting