Text Size

એને ભક્તિ જાણજો

પરમાત્માને માટે આતુર આંખડી,
અનુરાગે અંજાઈ અવનીમાં ફરે;
અંતરને એકે ક્ષણ ચેન પડે નહિ,
જ્યાં લગ પરમાત્માનું દર્શન ના મળે;
સજ્જન સઘળા એને ભક્તિ જાણજો !

અંગાંગમહીં અંગારા જાણે ઉઠ્યા,
તરસ માટે ના કેમે કરતાં પ્રાણની;
વ્યાકુલ મનડું એક જ જાપ જપ્યા કરે,
બીજી વાત ન દીસે કોઈ કામની;
સજ્જન સઘળા એને ભક્તિ જાણજો !

સ્વર્ગતણા સુખ ખારાં છેક થઈ ગયાં,
ત્રિભુવનના ભોગોમાં રસ લાગે નહીં;
ચારુ સ્વરૂપે સુરતા છે સઘળી મળી,
હરદમ થાયે એનું એકલ ધ્યાન જો;
સજ્જન સઘળા એને ભક્તિ જાણજો !

સંતોના સંગે સુખ ઉત્તમ સાંપડે,
સુણતાં થાક ન લાગે પ્રભુ ગુણગાનને;
શુભને છોડી અશુભ માંહી મન ના રમે,
વિષ માટે ના મૂકે અમૃત પાનને,
સજ્જન સઘળા એને ભક્તિ જાણજો !

આલિંગન કરવાને અંતર ઊછળે,
પ્રભુને મળવા કરે મનોરથ સર્વદા;
રક્ત કરે રણકાર સદાયે સ્નેહનો,
ઝરણાં જીવનમાં જાગે છે પ્રેમના,
સજ્જન સઘળા એને ભક્તિ જાણજો !

- શ્રી યોગેશ્વરજી (કાવ્યસંગ્રહ 'આરતી' માંથી)

Add comment

Security code
Refresh

Today's Quote

It is easy to be friendly to one's friends. But to befriend the one who regard himself as your enemy is the quientessence of true religion. The other is mere business.
- Mahatma Gandhi

prabhu-handwriting