Text Size

પતિતપાવન

તોફાન શું પવનનું, વરસાદ હેલી,
ગંગા વહે મદભરી ગિરિને અઢેલી,
છે રાતથી જ મદમસ્ત ચઢી હિલોળે,
દોડી રહી તટ મૂકી સઘળાય કોરે.

શો આજ છેક ઉમટ્યો અનુરાગ એનો,
સંદેશ મુગ્ધ મળિયો ક્ષણમાં જ કેનો?
દોડી રહી રસભરી મધુ પ્રેમવાળી,
કો અર્પવા સ્વજનને નિજ પ્રેમતાળી

એવા તમેય ચઢશો કદીયે હિલોળે ?
ભીંજવશો હૃદયને મુજ સ્નેહ-છોળે ?
અંગાંગમાં રસ ભરી મુજને મળો ને,
ત્યારે કહું પતિતપાવન હું તમોને.

- શ્રી યોગેશ્વરજી

Add comment

Security code
Refresh

Today's Quote

Some of God's greatest gifts are unanswered prayers.
- G. Brooks

prabhu-handwriting