Text Size

સ્મૃતિ

તમારો સહવાસ પામી, તમારો રસ મેળવી,
પ્રેરણા ઝીલી તમારી, ચિત્તને નિત કેળવી;
ગણાતી'તી જે અસાર વળી વિષ સમી તે બધી,
જિંદગી ઉત્સવ સમી, મારે ખરેખર છે થઇ.

ટળી છે કટુતા, મટી ચિંતા, હતી ગમગીન તે,
હસે છે આજે હંમેશા જિંદગી રસપૂર્ણ એ;
તમારા જ પ્રતાપથી મિલકત મળી મોંઘી ગઇ,
ઉજાણી મારે સદાની દિવાળી સાચી થઇ.

તમારી જ કૃપા થકી જીવન બની જીવન ગયું,
તમારા જ પ્રસાદથી દળદર ટળ્યું, અમૃત મળ્યું;
પદદલિતને પ્રાણ દીધો, સ્થાન મસ્તક પર ધર્યું,
તે જ દિનથી દર્દ નાઠું, અમંગલ સઘળું ટળ્યું.

કેમ વિસરું કહો તમને જિંદગી જેણે ધરી,
નદી પ્રેમલ પ્રાણની છો સિંધુ પ્રતિ જાયે સરી !

- શ્રી યોગેશ્વરજી

Add comment

Security code
Refresh

Today's Quote

From the solemn gloom of the temple, children run out to sit in the dust, God watches them play and forgets the priest.
- Rabindranath Tagore

prabhu-handwriting