Text Size

હે મારા દેશ

સંસ્કૃતિના સર્વોચ્ચ સુમેરુ શિખર પર
સૈકાઓ પહેલાં આસીન થયેલા મારા દેશ !

તારી જ્વલંત જ્યોતિથી દિશા પ્રદિશા પ્રજ્વલિત બની’તી :
પૃથ્વી પરિમલપ્રસન્ન પાવન બની’તી;
તારી કીર્તિપતાકા ભૂમંડળને પ્રભાવિત કરતી બધે ફરી વળી’તી.
તારું જ્ઞાન, ગૌરવ, તારી ગરિમા, બધું જ અસાધારણ, અજોડ હતું.
અને આજે પણ ક્યાં નથી ?

પરંતુ તારા એ સર્વોત્તમ સિંહાસનને હલાવવા,
તને પીડા-પરિતાપના પારાવાર પ્રતિ બઢાવવા,
માનભંગ કરવા, તારી વિજયકૂચમાં વિઘ્નરૂપ થવા,
આજે કેટલાંક વિઘાતક વિદ્વેષભર્યા બળ કામ કરી રહ્યાં છે.
તારી વેદના-વહ્નિમાં એથી વધારે થયો છે.

છતાં પણ એ બળો સફળ નહિ થઈ શકે.
તું નહિ હારે; તારી આગેકૂચને એ નહિ મારે.
તું જાગ્રત છે અને આવી રીતે જ આથી પણ વધારે જાગ્રત રહેજે,

હે મારા દેશ ! મને વિશ્વાસ છે-તું નહિ હારે,
તારી વિકાસસાધના કીર્તિકૂચ મૂકીને નહિ હારે.

- શ્રી યોગેશ્વરજી

Add comment

Security code
Refresh

Today's Quote

Inspiration is a guest who does not like to visit lazy people.
- Tchaikowsky

prabhu-handwriting