Text Size

મને મળી ગયા દેવના દેવ

મને મળી ગયા દેવના દેવ હરિ..(2)

સ્વજનોની સંગાથે ફરતી (2)
પગદંડી પ્રભુ કેરી ગ્રહી...મને મળી ગયા...

મંત્રજપની સાધના કીધી (2)
તપ વ્રત ઉપવાસોને વરી...મને મળી ગયા..

પ્રભુભજનનું ભાથું બાંધી (2)
નિયમ-ઔષધ લીઘું જરી...મને મળી ગયા...

સ્મરણ કરતી આવી ઊભી (2)
બારણે ટકોરા માર્યા ફરી...મને મળી ગયા...

સાદ સૂણીને દ્વાર ઉઘાડી (2)
દિવ્ય દર્શન ની લ્હાણ ધરી...મને મળી ગયા...

વિષયો કેરી વિષભરી પ્યાલી (2)
પલટાવીને પીયૂષે ભરી...મને મળી ગયા...

MP3 Audio

Unable to embed Rapid1Pixelout audio player. Please double check that:  1)You have the latest version of Adobe Flash Player.  2)This web page does not have any fatal Javascript errors.  3)The audio-player.js file of Rapid1Pixelout has been included.


 
રચના સમયના મનોભાવો
 
સાધના કરતાં કરતાં પ્રભુદર્શન થાય ત્યારે સાધકના જીવનમાં આનંદનો ઉત્સવ મંડાય.

દર્શન માટે શું શું કર્યુ અને અંતે શ્રીહરિએ દર્શન આપ્યાં ત્યારે જીવનમાં કેવો ફેરફાર થયો તેનું વર્ણન અહીં જોવા મળશે.

મંત્રજપ, ઉપવાસો, પ્રભુભજન આદિ સાધનોથી સાધનાક્ષેત્રે મથામણ શરૂ થઈ તો અંતે પ્રભુએ પોકાર સાંભળ્યો અને પોતાનું દિવ્યદર્શન પ્રસાદરૂપે આપ્યું, ત્યારે રહ્યો સહ્યો વિષયોનો રસ પીયૂષમાં પરિણમ્યો.

જીવનમાં દેવોના પણ દેવ એવા શ્રીહરિ જ મળી જાય તો તેથી થતો આનંદ અહીં વ્યક્ત થયો છે.
 

Add comment

Security code
Refresh

Today's Quote

What you are aware of you are in control of; what you are not aware of is in control of you.
- Anthony De Mello