Text Size

અંતરનો અનુરાગ

અંતરનો અનુરાગ થયો છે !

અંતરનો અનુરાગ થયો છે !
દિવસે દિવસે વધતાં વધતાં
ભાવોનો મધુબાગ બન્યો છે !

કેમે કરતાં ના જ ટળે એ,
ના ટળશે જીવનમાંથી તે;
તનમનમાંહી મળી ગયો છે,
એક નવો સંસાર થયો છે !

જ્યોતિ જલે જેવી મંદિરમાં,
પ્રકાશ તેનો ખૂબ ભર્યો છે;
તિમિરપડળ તુટ્યાં છે સઘળાં,
ઉત્સવ અપરંપાર થયો છે.

એક તમારા ભાવ ભર્યા છે,
અન્ય વિચાર ખરે જ મર્યા છે;
રાગ તમારો એક રહ્યો છે,
પ્રાણ નવીન પ્રફુલ્લ થયો છે.

અમર રહે અનુરાગ ભલે તે,
જીવનને અમૃતમય છે એ;
દિવસે દિવસે વધે ભલે ને,
તેથી તો મુજ વેશ ફર્યો છે !

તમને પણ અનુરાગ સદા હો,
મુજ માટે મધુભાવ સદા હો;
અનુરાગતણા સંગમસ્થલ પર
મિલન આપણું આજ મહા હો !

મારા પર ઉપકાર કર્યો છે,
અંતરમાં અનુરાગ ભર્યો છે !

- © શ્રી યોગેશ્વરજી

Add comment

Security code
Refresh

Today's Quote

The real voyage of discovery consists not in seeking new landscapes, but in having new eyes.
-Marcel Proust

prabhu-handwriting