Text Size

અંતરનો અનુરાગ

અનુરાગ આપણો અમર હજો !

અનુરાગ આપણો અમર હજો !
હો અનંત કાલ લગી કાયમ ને
ક્ષયથી છેક વિમુક્ત હજો !

કમી થાય ના કૈંયે એમાં,
દિવસે દિવસે પુષ્ટ થજો;
મેરૂ ચળે છતાં ન ચળે એ,
અખંડ ને અભિરામ હજો !

સુખમય સૌને પ્રાણપ્રદાયક,
મંગલતાની મૂર્તિ હજો;
અંતરનો આરામ, તપ્તની છાયા,
તમનું તેજ થજો !

જગની વાડીને ફોરમથી
ભરી પ્રફુલ્લ ભલે કરજો;
પાવન કરો પતિતને તેમજ
આંખ અંધને એ ધરજો.

ભૂલેલાંનો પથ બનજો ને
જીવનનું મંગલ કરજો;
ભેદભાવ અજ્ઞાન મેલ ને
અશાંતિ અંતરની હરજો !

નવી હવા ભરજો સંસારે,
સ્વર્ગથકીય સુખદ ઠરજો;
પીડા અશ્રુ વિષાદ જીવના
પાવન સ્પર્શ કરી હરજો !

આદર્શ બનો અવની માટે,
મારું મંગલ દાન થજો;
‘પાગલ’ વિરહ ન વ્યાપે તેને,
મિલનરસે ભરપૂર હજો !

- © શ્રી યોગેશ્વરજી

Add comment

Security code
Refresh

Today's Quote

In prayer, it is better to have a heart without words than to have words without a heart.
- Mahatma Gandhi

prabhu-handwriting