Text Size

અંતરનો અનુરાગ

આજની રાત અનેરી હો !

આજની રાત અનેરી હો !
રસભર સિદ્ધિછલેલી હો, આજની રાત અનેરી હો !

અંધારી કૈં રાત ગઈ છે, આ અજવાળી હો,
અપ્સરાસમી અલૌકિક વળી અમીભરેલી હો ! ... આજની.

નવી આશ ને નવી જિંદગી, સાજ સજેલી હો;
વરદાયક ને સુંદરતાને હોય વરેલી છો ! ... આજની.

ચંદ્રપ્રકાશે ખૂબ સુશોભિત ચારુ બનેલી હો;
મધુર પવનથી પ્રસરો સઘળે સુવાસ એની છો ... આજની.

તાપવિનાશક રાત જગતને જીવનદાયક હો;
શાંતિપ્રદાયક તેમ સહાયક મંત્રમઢેલી હો ! ... આજની.

તમારા પ્રકટવાથી શોભિત મંગલ પાવન હો;
મધુર મિલનની રાત આપણી શાંતિસજેલી હો ! ... આજની.

યુગયુગ રાત રહેતી છો એ, ભય તેમાં છે શો?
‘પાગલ’ને ધ્રુવપદ દેનારી થાય અનેરી છો ! ... આજની.

- © શ્રી યોગેશ્વરજી

Add comment

Security code
Refresh

Today's Quote

Patience is not so much about waiting, as it is about how one behaves while waiting.
- Anonymous

prabhu-handwriting