Text Size

અંતરનો અનુરાગ

આજ તો સંગમ થાય ખરો !

આજ તો સંગમ થાય ખરો !
ઉભય ઉર મળે આજ આપણાં,
ભેદ બધાય ટળો ! ... આજ તો.

જેમ ઉછળતી સરિતા આવે
તેમ રસે ઉછળો;
મળો મને સાર્થક કરવાને,
અંગ ઉમંગ ભરો ... આજ તો.

મઘમઘ થાયે મંદિર મારું,
સ્મિત પ્રસન્ન કરો;
રૂપસુધા પ્રસરાવી સઘળે
લજ્જિત ચંદ્ર કરો ... આજ તો.

વિહવલતા ને શમે વેદના,
નૂતન પ્રાણ ધરો;
કરો અલ્પથી વિરાટ મુજને,
ઉર અભિષેક કરો ... આજ તો.

પ્રેમ પ્રવાહ વહે છે એકલ,
તેને હૃદય ભરો;
રસની વર્ષા વરસો આજે,
જીવનહેતુ સરો ... આજ તો.

આંખ મળે આંખે, ઉર ઉરને,
તન પર હાથ ફરો;
સંવાદભર્યા સ્વરમાં મારી
મનની વૃત્તિ મળો ... આજ તો.

જીવ બનો શિવ, માનવ પ્રભુ હો,
સાધક સિદ્ધ કરો;
‘પાગલ’ પ્રેમોત્સવ હો, આપ્યો
કોલ ન આજ ફરો ... આજ તો.

- © શ્રી યોગેશ્વરજી

Add comment

Security code
Refresh

Today's Quote

There is no pillow so soft as a clear conscience.
- French Proverb

prabhu-handwriting