Text Size

અંતરનો અનુરાગ

અંતરે આનંદ નહીં માય

અંતરે આનંદ નહીં માય.
દર્શન દેશો દૈવી મુજને,
પાવન બનશે કાય ... અંતરે.

જીવન બનશે ઉજ્જવલ મારું,
મટશે મળ સઘળાય;
ક્લેશ, કષ્ટ ને પીડા શમશે,
શોક પછી નહિ થાય ... અંતરે.

જન્મ સફળ મારો થાયે ને
રોમ રસમહીં ન્હાય;
કૃતાર્થતણી બરાબરી ના
એની જગમાં થાય ... અંતરે.

મનોરથ બધા પૂરા થાશે,
શાંતિ નહીં જ સમાય;
‘પાગલ’ પદ મંગલ મેળવશે,
મટશે સઘળી હાય ... અંતરે.

- © શ્રી યોગેશ્વરજી

Add comment

Security code
Refresh

Today's Quote

When you judge another, you do not define them, you define yourself.
- Dr. Wayne Dyer

prabhu-handwriting