Text Size

અંતરનો અનુરાગ

અંતર ધીરજ કેમ ધરે ?

અંતર ધીરજ કેમ ધરે ?

તમારા વિના બેચેન બન્યું,
નિત્ય વિલાપ કરે;
અંગારામાં જલી રહ્યું છે,
કેમ ત્રિતાપ ટળે ? ... અંતર.

શાંત બનીને ક્યાંથી બેસે,
કેમ નિરાંત વળે ?
સુખનો શ્વાસ લભે શી રીતે,
શેં આનંદ મળે ? ... અંતર.

અંગ સુશોભિત મોહભરેલું
માનવ કો’ક કરે,
પરંતુ આરોગ્ય વિના એને
શેં સૌન્દર્ય મળે ? ... અંતર.

અથવા પ્રાણ વિના કાયાથી
હેતુ ન લેશ સરે;
તમારા વિના અંતર એવું
રડતાં મૂક મરે ! ... અંતર.

વિહ્વલ બનતાં આલાપે છે
નિશદિન સ્નેહસ્વરે;
‘પાગલ’ પ્રાણ મળે જો એને
તો વિશ્રાંતિ વળે ... અંતર.

- © શ્રી યોગેશ્વરજી

Add comment

Security code
Refresh

Today's Quote

You can get everything you want if you help enough others get what they want.
- Zig Ziglar

prabhu-handwriting