Text Size

સાગરને

ઓ સાગર, શું ગાયે ? મને સ્વર ના સમજાયે,
તારા શૂર ન સમજાયે, ઓ સાગર, શું ગાયે ?

હળવું હળવું મીઠું કેવું, સાત દિવસ ગાયે;
કંટાળો ના તુજને આવે ? એમ મને થાયે ... ઓ સાગર, શું ગાયે ?

ઉલ્લાસમહીં ગાયા કરતો, દર્દ જ કે ગાયે ?
સોનેરી સ્વપ્નાંને દેખે, કે બળતો લ્હાયે ? ... ઓ સાગર, શું ગાયે ?

પ્રેમમહીં છે મગ્ન બન્યો તું. ઘેન ભરી કાયે;
ગાઈ રહ્યો રહી કોઈનાં, સુખદાયક છાંયે ? ... ઓ સાગર, શું ગાયે ?

જે ગાતો હો ગાયા કર તે, તાપ તથા છાંયે;
હું પણ ગાઈ શકું આમ તો, રસ ન ખરે માયે. ... ઓ સાગર, શું ગાયે ?

 - શ્રી યોગેશ્વરજી

Add comment

Security code
Refresh

Today's Quote

Fear knocked at my door. Faith opened that door and no one was there.
- Unknown

prabhu-handwriting