Text Size

કમળ

કેવાં કોમળ કમળ હસે છે, જુઓ, દેખતાં આપણને?
ખીલીને સરવરમાં કેવાં, આનંદ ધરે છે મનને?

કિરણરૂપમાં ફોરમ લેવા, ફેલાવે છે સૂરજ હાથ;
ડોલ ડોલી કમળો કેવાં, સત્કાર કરે એકી સાથ?

એક રહે આકાશમહીં ને બીજાં લે પૃથ્વી પર શ્વાસ;
છતાં મળે છે કેવાં રંગે ? ભેદ પ્રેમમાં ના છે ખાસ.

ડોલી ડોલી કમળ ગાય છે, પ્રભાતમાં ઈશ્વરનાં ગાન;
ખીલ્યાં છે કાદવમાં તોપણ,ધરી રહ્યાં ઈશ્વરનું ધ્યાન.

હમણાં પેલાં ભમરાં આવી, સુવાસ સૌનીયે લેશે;
કમળ બધાંયે પ્રસન્ન બનતાં સુવાસ પોતાની દેશે.

હાથ ફેરવી જરા લઈએ, એ પહેલાં કમળોને આ;
વાત કરીએ મીઠી કાંઈ, અવસર આવ્યો ઉત્તમ આ.

 - શ્રી યોગેશ્વરજી

Add comment

Security code
Refresh

Today's Quote

God, grant me the serenity to accept the things I cannot change, the courage to change the things I can, and the wisdom to know the difference.
- Dr. Reinhold Niebuhr

prabhu-handwriting