Text Size

એક ઝરણ જોયું

ધરતી ખોળે મધુર આજ મેં, એક ઝરણ જોયું
જોતાંવેંતજ એ ઝરણાને, મન મારૂં મોહ્યું. ...ધરતી ખોળે.

આસપાસ નાના ડુંગર ને, નીચે નાની ખીણ;
રમતાં રમતાં જતું એ તરફ,અચાનક જ જોયું. ... ધરતી ખોળે.

ધરતીના કાનમહીં વાતો, કૈંક કહેનારૂં;
હોય શોધતું જાણે એના, દિલડાને ખોયું. ... ધરતી ખોળે.

કંચન જેવું પાણી એનું, મિષ્ટ વળી કેવું
કોણ કહે કે એના રૂપે, કોણ હશે રોયું ? ... ધરતી ખોળે.

જતું હશે ઝરણું ક્યાં, સાગર સરિતામાં નાનું ?
પ્રશ્ન પૂછતાં મેં એનામાં, મુખડાને ધોયું. ... ધરતી ખોળે.

 - શ્રી યોગેશ્વરજી

Add comment

Security code
Refresh

Today's Quote

We are disturbed not by what happens to us, but by our thoughts about what happens.
- Epictetus

prabhu-handwriting