Text Size

દ્રષ્ટિ

વિશાળ વારિધિ જેવું વિશ્વ
એમાં પાંચેક જેટલા પૃથક ખંડપ્રદેશ
એમાં વળી પેટાપ્રદેશ
એમાં એકાદ સ્થળે સાધારણ સલિલબિંદુ સરખું ભારત
એમાં વળી એનો એક નાનો સરખો પ્રદેશ
એનું એથીયે નાનું સ્થળ
શહેર કે ગામ
એમાં થતી પ્રવૃત્તિ
એનો વળી આટલો બધો અહંકાર શો ?
વિશાળ વિશ્વના હિસાબે એનું સ્થાન કેટલું ?
०००
પરંતુ....
વિશાળ વારિધિ જેવું વિશ્વ
એમાં પાંચ જેટલા પૃથક પૃથ્વીપ્રદેશ
એમાં વળી પેટાપ્રદેશ
એમાં એકાદ સ્થળે સાધારણ સલિલબિંદુ સરખું ભારત
એમાં વળી એનો એક નાનો સરખો પ્રદેશ
એનું એથીયે નાનું સ્થળ
શહેર કે ગામ
એમાં થતી પ્રવૃત્તિ પણ મહત્વની
વિશ્વના વિશાળ હિતને માટે ઉપયોગી છે
એમ માનીને એને નમ્રતાપૂર્વક કરવામાં આવે
નાના કે મોટા બધા તરફથી બધે સ્થળે કરવામાં આવે તો....

- શ્રી યોગેશ્વરજી

Add comment

Security code
Refresh

Today's Quote

Clouds come floating into my life, no longer to carry rain or usher storm, but to add color to my sunset sky.
- Rabindranath Tagore

prabhu-handwriting