Text Size

તારો સાક્ષાત્કાર

સૌથી પહેલાં હું તને વ્યોમમાં વિરાજેલો માનતો
તારી પ્રાર્થના કે સંસ્તુતિ કરતાં
વ્યોમ પ્રતિ દ્રષ્ટિપાત કરતો.

પછી તને મારી સમક્ષ ઉપસ્થિત જોવા લાગ્યો;
સામે પેખીને પ્રાર્થતો રહ્યો.

એનો પણ એકવાર અંત આવ્યો.
હું તને મારી અંદર
અંતરના અંતરતમમાં
અંતર્યામી અંતઃસ્થ ચેતનારુપે
મારા મંગલ મંદિરના પવિત્ર પ્રદીપ પેઠે
નિહાળતો થયો.

પછી મારા રોમરોમમાં
અવનીના અણુઅણુમાં
અને આખરે મારા પોતાના જ સ્વરૂપે
તારો સાક્ષાત્કાર થયો.
આપણો રહ્યોસહ્યો ભેદ પણ મટી ગયો.

- શ્રી યોગેશ્વરજી

Add comment

Security code
Refresh

Today's Quote

The task ahead of us is never as great as the power behind us.
- Anonymous

prabhu-handwriting