હરિને ભજતાં હજી કોઈની લાજ - બેલા દેસાઈ
MP3 Audio
હરિને ભજતાં હજી કોઇની લાજ જતાં નથી જાણી રે;
જેની સુરતા શામળિયા સાથ, વદે વેદવાણી રે ... હરિને ભજતાં
વહાલે ઊગાર્યો પ્રહલાદ, હરણાકંસ (હિરણ્યાકશ્યપ) માર્યો રે;
વિભીષણને આપ્યું રાજ્ય, રાવણ સંહાર્યો રે ... હરિને ભજતાં
વહાલે નરસિંહ મહેતાને હાર, હાથોહાથ આપ્યો રે;
ધ્રુવને આપ્યું અવિચલ રાજ, પોતાનો કરી સ્થાપ્યો રે ... હરિને ભજતાં
વહાલે મીરાં તે બાઇનાં ઝેર હળાહળ પીધાં રે;
પાંચાલીનાં પૂર્યા ચીર, પાંડવ કામ કીધાં રે ... હરિને ભજતાં
આવો હરિ ભજવાનો લ્હાવો, ભજન કોઇ કરશે રે;
કર જોડી કહે પ્રેમળદાસ, ભક્તોનાં દુઃખ હરશે રે ... હરિને ભજતાં
- પ્રેમળદાસ
Comments
Thanks for your visits/comments on my Blog. Please revisit to read the New Post & other Posts on chandrapukar.wordpress.com