Text Size

ઓ ખાઈ ખોદનહારા

ઓ ખાઈ ખોદનહારા !
જાણી લે જો જરૂરથી કે અંગે અંગ તમારાં,
ભાંગી પડશે, ભૂક્કા બનશે, ભાગ્ય અમારા ન્યારાં.
ઓ ખાઈ ખોદનહારા ! ઓ વહાવનારા જ્વાળા !

છો કરતૂત કરો કાળાં !
વાળ ન વાંકો થાય અમારો કરો ભલેને ચાળા,
તમારા જ યમદ્વારે બનશે વારા ફરતી વારા,
છો કરતૂત કરો કાળાં !

ઓ જાળ તણાં વણનારા !
અમે બચીશું ડગલે પગલે, રક્ષક ધન્ય અમારા,
તમે જ સપડાશો, બંધાશે જાળે પ્રાણ તમારા,
ઓ જાળ તણા વણનારા!

હે ઉડાવનારા હાંસી ને ખાતા અનૃત-ખાંસી!
હાંસી થશે તમારી અંતે, જશો ડાકુશા નાસી,
ફોડી દેશે ઉદર તમારું કપટકણો જે ફાંસી,
હે ઉડાવનારા હાંસી !

હે લુપ્ત-જ્ઞાન મદમાતા !
ઝંઝાવાત સમા ઝેરીલા આજ ભલેને વાતા,
એક દિવસ માટીમાં મળશો, મળશે કો ના ત્રાતા,
ભાગ્ય ભરખવાનું તમને તો, સદા અમોને શાતા,
હે દાંભિક, જડ, મદમાતા !

છો વિજય મળે આરંભે !
ફુલાશો ના, પરાસ્ત બનશો પરાધીન ને અંતે,
લટકાવાશો એક દિવસ તો સર્વનાશના સ્તંભે !
છે વિજય મળે આરંભે !

- શ્રી યોગેશ્વરજી

Add comment

Security code
Refresh

Today's Quote

It is easy to be friendly to one's friends. But to befriend the one who regard himself as your enemy is the quientessence of true religion. The other is mere business.
- Mahatma Gandhi

prabhu-handwriting