Text Size

લોકોપવાદ

નાનાસરખા ગામમાં પાંચ મિત્રોની એક ટોળી હતી. ગામમાં તેમનો પ્રભાવ હતો, ને તેમના ડહાપણ માટે સૌને માન હતું.

એકવાર એ ગામમાં વરસોથી ના બનેલો પ્રસંગ બની ગયો. એક યુવાને પરણવાની ના પાડી, ને તે તપ કરવા એકાંત વનમાં વિદાય થયો. પાંચ મિત્રોને વાતોનો વિષય મળ્યો. એમણે ગામમાં બધે કહેવા માંડ્યું: ‘યુવાનનું મગજ બગડ્યું લાગે છે. સંસારનું સુખ છોડીને વળી વનમાં શું બળ્યું છે? અંદરખાને વાત જરૂર કંઈક બીજી હશે. નહીં તો આમ થાય નહીં.’

એ પછી એક દિવસ એ યુવાને ગામમાં પાછા આવીને લગ્ન કર્યું ને ઘર માંડ્યું. ત્યારે પણ એ મિત્રો બધે ફરતાં બોલી ઉઠ્યા: ‘જોયું? માયાને જીતવાનું કાંઈ સહેલું થોડું છે? બ્રહ્મચર્યનું પાલન કરે તે તો દેવથી પણ ચડી જાય. એના તો પગ ધોઈ પીએ. પણ સંયમ પાળીને વનમાં વસવું એમ તે કાંઈ સહેલું છે?’

- શ્રી યોગેશ્વરજી

Add comment

Security code
Refresh

Today's Quote

We turn to God for help when our foundations are shaking, only to learn that it is God who is shaking them.
- Unknown

prabhu-handwriting