Text Size

જીવન કૃપા વિનાનું જાય

જીવન કૃપા વિનાનું જાય.

તમારા વિના મોંઘું જીવન મોલ વિનાનું થાય;
તમે મળો તો ઉત્સવ થાયે, હરખ ન મારો માય ... જીવન.

તલસું તેમજ ચાહું તમને કરતાં કૈંક ઉપાય;
તોપણ વિરહતણું અંતર ના કાયમકાજ મપાય. ... જીવન.

તરસે મરે મુસાફર તોપણ કીર્તિ તમારી ગાય;
તમારા વિના તપી રહ્યાને આપો શીતળ છાંય. ... જીવન.

ખરચી ખૂટે નહીં કૃપા ને લુંટી ના જ લુંટાય;
પ્રેમતણું પાણી ઢોળી દો, ‘પાગલ’ પ્રાણ સુકાય ... જીવન.

(૭-૮-૧૯૫૭, બુધવાર. શ્રાવણ સુદ બારસ)

– © શ્રી યોગેશ્વરજી

 

Add comment

Security code
Refresh

Today's Quote

In the practice of tolerance, one's enemy is the best teacher.
- Dalai Lama

prabhu-handwriting