Text Size

તમારી આંખે આંખ મળે

તમારી આંખે આંખ મળે.
અંતર મારું આનંદે ને જીવનહેતુ સરે. ... તમારી.

એજ સાધ જીવનની મારી, મંગલ આંખ મળે;
સાધના તપસ્યા એ માટે, ‘પાગલ’ પ્રાણ કરે. ... તમારી.

આંખ મળે આંખે એમાંથી બંને હૃદય વરે;
જુગજુગજૂનો વિરહ થયો તે મિલન થતાં જ મરે. ... તમારી.

કાયમકાજે મળી રહે ને ભાવ અનન્ય ભરે;
મુક્તિ સ્વર્ગ ભલે વૈકુંઠ મળે મુજને ન મળે ! ... તમારી.

એજ ઝંખના, એજ લગન છે, સહેજ સમાધિ મળે;
એક જ દૃષ્ટિ તનમન ને અંતરમાં ક્રાન્તિ કરે. ... તમારી.

(૯-૮-૧૯૫૭, શુક્રવાર)

– © શ્રી યોગેશ્વરજી

 

Add comment

Security code
Refresh

Today's Quote

Happiness is when what you think, what you say and what you do are in harmony.
- Mahatma Gandhi

prabhu-handwriting