Text Size

આત્માની વાતોનો ઘણો ઉથલાવ્યો કોષ

આત્માની વાતોનો ઘણો ઉથલાવ્યો કોષ,
વાતો કરવાથી મળે મને ના સંતોષ.
એકલા આત્માને લઈ હું તે શું કરું,
શરીર વિના કહોને તેને શે વરું !

શરીરને છોડવું ના મુજને ગમે,
પ્રાણ મારો શરીર ને આતમે રમે;
શરીરનો સ્વાદ લઈ મસ્ત બનું હું,
સાથ લભીને તમારો ધન્ય થઉં શું !

સુંદરતાના સંપુટ જેવું લઈ રૂપ,
એટલે જ અનેરું અલૌકિક અનૂપ,
પ્રકટ હો મારી સામે, કામના કરું,
એકતાના આનંદથી ઉરને ભરું,

‘પાગલ’ બે પ્રાણ મળે શરીરની સાથ,
એક બને આતમ જ્યાં અંગ ભીડે બાથ !

(૧૩-૩-૧૯૫૭, મંગળવાર)

– © શ્રી યોગેશ્વરજી

 

Add comment

Security code
Refresh

Today's Quote

Live as if you were to die tomorrow. Learn as if you were to live forever.
- Mahatma Gandhi

prabhu-handwriting