Text Size

પ્રભુમાં શ્રદ્ધા રાખ, સાધક

પ્રભુમાં શ્રદ્ધા રાખ, સાધક,
પ્રભુમાં શ્રદ્ધા રાખ.

જે કરશે તે મંગલ કરશે, મુખથી એવું ભાખ;
અંતરમાં ઉત્સાહ અડગતા, વદને સ્મિતને રાખ. ... સાધક.

કાયરતાને પ્રમાદ છોડી કર્મતણા ફલ ચાખ;
દુઃખદર્દ નિંદા નિષ્ફળતા તરફ નજર ના નાખ. ... સાધક.

ધ્યેય પુનિત હો, મલિન ભાવ ને વિચારને કર ખાખ;
ચોળી દે તન તેમજ મનમાં દિવ્ય પ્રેમની રાખ. ... સાધક.

છોડ નિસાસા નાહિંમત ને ધૈર્ય પરાક્રમ દાખ;
સફળ કરી લેશે જીવન તો સાધક કૈં છે શાખ. ... સાધક.

(૨૪-૮-૧૯૫૭, શનિવાર)

– © શ્રી યોગેશ્વરજી

 

Add comment

Security code
Refresh

Today's Quote

Happiness is a perfume you cannot pour on others without getting a few drops on yourself.
- Anonymous

prabhu-handwriting