Text Size

તું ચિંતા કેમ કરે ?

તું ચિંતા કેમ કરે ?
જે થાયે તે સારા માટે એવું માન ખરે ... તું.

કરુણાળુ પ્રભુ, તારા પર ના કો’દી કેર કરે,
સંકટમાં નાખે ના ભાઈ, શોકે કેમ મરે ? ... તું.

શરણ ગ્રહ્યું છે પરમાત્માનું, અશ્રુ કેમ ભરે ?
મંગલ કરશે તારું તે તો, શ્રદ્ધા કેમ ટળે ? ... તું.

સંકટમાં દર્દે એકલતા જ્યારે બંધુ, મળે;
ત્યારે પણ તે સાથી તારો, રક્ષા રોજ કરે ... તું.

ઈચ્છા મુજબ થાય સૌ એની, ‘પાગલ’ જાણ ખરે,
કોઈ કાળે ત્યાગ ન તેને, તો તો સહજ તરે ... તું.

(૨૭-૮-૧૯૫૭, મંગળવાર)

– © શ્રી યોગેશ્વરજી

 

Add comment

Security code
Refresh

Today's Quote

Awake. Be the witness of your thoughts. You are what observes, not what you observe.
- Lord Buddha

prabhu-handwriting