Text Size

અડગ રહો વિશ્વાસ મારો

અડગ રહો વિશ્વાસ, મારો અડગ રહો વિશ્વાસ.

અંધકાર આપત્તિમાંયે થાવ કદી ન ખલાસ,
કરુણ અંતર દર્દમહીંયે ગાઓ ભીમપલાસ ! ... અડગ.

પર્વત આવે ભેખડ ભારે, આપો તોય ઉજાસ;
મુસીબતોમાંયે મસ્ત કરો મનને ભરી હુલાસ. ... અડગ.

દુઃખોથી ના ડગો, મરો ના મોત ભલે હો પાસ;
ધીરજ હિંમત સ્થાપો હૈયે શાંતિ શ્વાસોશ્વાસ. ... અડગ.

બનો પ્રેરણા ને બળ જીવન, હો અખંડ અવિનાશ;
પ્રેમળ પ્રાણ મદદથી એના કરો સમીપે વાસ. ... અડગ.

(૩૦-૯-૧૯૫૭, સોમવાર)

– © શ્રી યોગેશ્વરજી

 

Add comment

Security code
Refresh

Today's Quote

Arise, awake and stop not till the goal is reached.
- Swami Vivekananda

prabhu-handwriting