Text Size

અમીરસ

અમીરસ પીધો જેણે લેશ.
 
અમીમય થયું અંતર એનું,
        મંગલ મળીયો વેશ;
પ્રવાસ પૂરો સફળ થયો ને
        દિવ્ય સાંપડ્યો દેશ ... અમીરસ પીધો
 
તનમનના મેલ મટ્યા તેના,
        ભ્રમણા ન રહી શેષ;
મહિમાવાન થયો તે જગમાં
        બ્રહ્મા વિષ્ણુ મહેશ ... અમીરસ પીધો
 
અમંગલ ટળ્યું, મૃત્યુ મર્યું,
        સર્વ કપાયા કલેશ;
શાંતિ સિતારી વાગી તેને
        શ્વાસોશ્વાર હંમેશ ... અમીરસ પીધો
 
તમારા જ સાગરથી મારું
        જીવન બન્યું રસેશ,
વરસું એ જ નિરંતર જગમાં
        એમ કરું અભિષેક ... અમીરસ પીધો

 - શ્રી યોગેશ્વરજી

Add comment

Security code
Refresh

Today's Quote

If you think you're free, there's no escape possible.
- Ram Dass

prabhu-handwriting