Text Size

તમારી કૃપા કદી ના ખૂટે

તમારી કૃપા કદી ના ખૂટે,
એ તો અનંત ધારે છૂટે ... તમારી કૃપા

મેઘ ગગનથી, અમી અન્નથી,
તેજ સૂર્યથી ખૂટે;
જળ સૂકાઇ જાય સકળ, પણ
કૃપાતાર ના તૂટે ... તમારી કૃપા

અનંત વરસોથી વરસે એ
અનેક એને લૂંટે;
તો પણ એમાં ઓટ ન આવે,
નવા ફુવારા ફૂટે ... તમારી કૃપા

દુઃખ દીનતા દૂર કરે ને
કોટિ ક્લેશને ફૂટે;
એ જ કૃપાની આશા રાખું,
કદી ન જો જો ખૂટે ... તમારી કૃપા

 - શ્રી યોગેશ્વરજી

Add comment

Security code
Refresh

Today's Quote

If you think you're free, there's no escape possible.
- Ram Dass

prabhu-handwriting