Text Size

એવા ગુરૂને પદે

MP3 Audio

Unable to embed Rapid1Pixelout audio player. Please double check that:  1)You have the latest version of Adobe Flash Player.  2)This web page does not have any fatal Javascript errors.  3)The audio-player.js file of Rapid1Pixelout has been included.


*

એવા ગુરૂને પદે મારી પ્રીતિ હજો !
કુણાં કાળજાની કોરે એનું આસન થજો ! ... એવા ગુરૂને પદે

જે છે પરબ્રહ્મના જ સ્વરૂપ સમા,
વ્યાપ્યા વ્યોમધરા, આખા બ્રહ્માંડમાં;
એવા ગુરૂને પદે મારી પ્રીતિ હજો !
કુણાં કાળજાની કોરે એનું આસન થજો ! ... એવા ગુરૂને પદે

એને માત કહું, એને તાત ગણું ?
સ્નેહી, મિત્ર, સખા કહું, ધન કે ઘણું ?
એનાં ગુણને સદા મારી ભાષા ભજો !
કુણાં કાળજાની કોરે એનું આસન થજો ! ... એવા ગુરૂને પદે

એણે સાચી સહાય છે મુજને કરી,
શીળી છાંયડી રણનાં પ્રવાસે ધરી;
એની કૃપા પામી મન મારું શાંતિ સજો !
કુણાં કાળજાની કોરે એનું આસન થજો !  .. એવા ગુરૂને પદે

કેવી પ્રેરણાની માળા એણે મુજને ધરી !
દોર્યો મુજને જનની જેમ જતને વળી ;
એને કાજે હૈયું હેત એનું સઘળું તજો !
કુણાં કાળજાની કોરે એનું આસન થજો ! .. એવા ગુરૂને પદે

ધરી દીધું બધું મેં તો એને હવે,
એના વિનાનું રુચે બીજું મને ના ભવે ;
એના ઉરમાંય મારે માટે પ્રીતિ હજો !
કુણાં કાળજાની કોરે એનું આસન થજો ! ... એવા ગુરૂને પદે

 - શ્રી યોગેશ્વરજી

Comments  

0 #1 Rajendra Soni 2012-07-03 08:55
ખુબ સરસ.

Today's Quote

Success is a journey, not a destination.
- Vince Lombardi

prabhu-handwriting