Text Size

પૂર્ણતાની પ્રાર્થના

આંસુની કેટકેટલી અખંડ ને અનંત ધારા મેં તમારે માટે વહેતી મૂકી છે,
ને કેટકેટલી વેદના ને આહની આહુતિ આપીને,
દિનરાત મેં મારી યજ્ઞની વેદીને તમારે માટે જલતી રાખી છે !

પ્રાર્થનાના કેટકેટલા પોકારોમાં મેં મારા પ્રાણને વહેતો કર્યો છે,
ને કરુણાનાં કેટકેટલાં કાવ્યોનો કવિ બનીને
મારો આત્મા અનુરાગના અનંત સૂરમાં પ્રકટ થયા કર્યો છે !

જીવનનો પાવન પ્રવાહ હવે તમારાં જ ચરણોમાં શાંતિ શોધે છે;
તમારા સહવાસની કામના કરે છે.
તમારા અનંત ઐશ્વર્યને હવે ખુલ્લું કરી દો,
ને મારા જીવનને તમારા વિશાળા વૈભવનું અંગ બનાવી દો.

- શ્રી યોગેશ્વરજી

Comments  

+1 #1 Pushpa R Rathod 2010-04-26 16:18
ઘણી મજા મળી તમારા સાનિધ્યમાં.

Today's Quote

Patience is not so much about waiting, as it is about how one behaves while waiting.
- Anonymous

prabhu-handwriting