Text Size

સ્વાતિબિંદુ

તમે મને પૂછો છો, હાલ કોનું રાજ ચાલે છે, તો શું તમને તેની ખબર નથી ? બ્રિટીશ શાસન તો સમાપ્ત થયું, કોંગ્રસનું ચાલે છે, ને વળી બીજા પક્ષો ભવિષ્યમાં સત્તાને સર કરવા પ્રયાસ કરી રહ્યા છે.

ભારતની અવસ્થા આવી છે, જ્યારે બહારના બીજા દેશોમાં જુદીજુદી જાતનાં શાસનો ચાલી રહ્યાં છે.

પરંતુ મારા પ્રાણ પર, મારા હૃદયમાં, રોમેરોમમાં એક તમારું જ રાજ ચાલી રહ્યું છે. તમારા વિના બીજા કોઈનીયે આણ ત્યાં નથી વરતાતી. તમે જ ત્યાં વિરાજો છો, વિહરો છો, રમો છો.

તમે જાણો છો, સારીપેઠે જાણો છો, હાલ કોનું રાજ ચાલી રહ્યું છે; તોપણ મને પૂછો છો ?

-© શ્રી યોગેશ્વરજી (સ્વાતિબિંદુ)

Add comment

Security code
Refresh

Today's Quote

The character of a person is what he or she is when no one is looking.
- Anonymous

prabhu-handwriting