Text Size

અંતકાળે

કથા અંતે તમે અનુભવની કથીઃ
જગતમાં કોઈય કોઈનું નથી,
એક ઈશ્વરના વિના.
પામતા સુખશાંતિ સંતૃપ્તિ નકી
બનાવે છે તેમને જે સારથિ.

કથા અંતે સ્વાનુભવ કેરી કહીઃ
શરણ ઇશ્વરનું જ સાર્થક્ત્તા ધરે
વાસનાથી મુક્ત્ત માનવને કરે,
શ્રેય સાધે સફળ બનતાં જિંદગી
જે કરે રસલ્હાણ પ્રભુની પ્રીતની.

એકલો આવે જગતમાં જીવ આ
કિન્તુ વિસ્મરતાં વિમુક્ત્ત સ્વરૂપને
મમત્વ કરે રાગદ્રેષ કષાયથી
બધ્ધ બનતાં વિપદમાં જાયે પડી.

સ્વરૂપે સ્થિત થાય શ્રેયસ્કર સદા
પ્રાપ્ત થાય અવર્ણનીય ખરે પ્રભા;
વાત એ કલ્યાણની ના ભૂલવી,
અંતકાળે કથા અનુભવની કથી.

 - શ્રી યોગેશ્વરજી

Add comment

Security code
Refresh

Today's Quote

The best way to find yourself is to lose yourself in the service of others.
- Mahatma Gandhi

prabhu-handwriting