Text Size

વર્ષા વ્હાલની રે

વર્ષા વ્હાલની રે, વ્હાલા! તારી વાટમાં રે લોલ,
કૃપા તણી મધુમાળ આવી મળે સાથમાં રે લોલ.

તુજને વરવા રે કોઈ વિરલા આવી ચઢે રે લોલ,
કરે કસોટી તું ને હૈયું ધરે વ્રજ શું રે લોલ....વર્ષા...

ઘાર્યું કરાવે છે વિરોધ કેરા વિઘ્નમાં રે લોલ,
દર્શનનું દેતો દાન, સંતૃપ્ત કરી પ્રાણને રે લોલ...વર્ષા...

થાકયે કે હૈયું હાર્યે ધીરજ ધન ધરી દેતો રે લોલ,
એકલ અનાથજનનો સાથી સદા બની જતો રે લોલ....વર્ષા...

MP3 Audio

Unable to embed Rapid1Pixelout audio player. Please double check that:  1)You have the latest version of Adobe Flash Player.  2)This web page does not have any fatal Javascript errors.  3)The audio-player.js file of Rapid1Pixelout has been included.


 
રચના સમયના મનોભાવો
 
આપણા જીવનનો સમસ્ત સ્નેહ પ્રભુનાં શ્રીચરણે વાળી દઈએ, વ્હાલાની એ વાટમાં વહાલની વર્ષાનો અનુભવ થતો જોવા મળે છે.

કોઈક જ વ્હાલાને વરવાનો વિચાર કરે. જે વિચારે તે કાળક્રમે પ્રયત્ન કરે. પ્રયત્ન કરનારની કસોટી પણ કોઈકવાર થાય. તો વળી, કસોટીમાં પાર ઊતરવાની શક્તિ પણ પ્રભુ જ કૃપા કરીને સાધકને આપતો રહે છે.

ચારેકોર વિરોધી વાતાવરણ અનુભવવા મળે છતાં પ્રભુ પોતાની પરમકૃપાનું પવિત્રદાન સાચા સાધકને આપીને સંતૃપ્ત કરી દેતો હોય છે.

પ્રભુ એના સાધકના જીવનમાં ધીરજ, હિંમત, ઉત્સાહ સમયસર ધર્યા કરે છે અને પોતે સૂક્ષ્મસાથી બનીને એને કૃપાપાત્ર બનાવી દે છે.

વ્હાલાની વાટમાં આવી અનુભૂતિ સહજ રીતે થાય છે. પવિત્ર પ્રેમનો પ્રસાદ પ્રભુના પંથે પ્રયાણ કરનારને મળતો રહે છે.
 

Add comment

Security code
Refresh

Today's Quote

Better to light one small candle than to curse the darkness.
- Chinese Proverb
Cookies make it easier for us to provide you with our services. With the usage of our services you permit us to use cookies.
Ok