Text Size

પ્રભુજીને પડદામાં રાખ મા

પ્રભુજીને પરદામાં રાખ મા, પૂજારી તારા
આતમને ઓઝલમાં રાખ મા ... પૂજારી

વાયુ વિંઝાશે ને દીવડો હોલાશે તારો,
ભીતિ વંટોળિયાની ભાખ મા,
આજે ઉભો છે આ દેહ અડીખમ
બળી જશે એ તો ખાખમાં ... પૂજારી

ઉડી ઉડીને પંખી આવ્યું હિમાળેથી
થાક ભરેલો એની પાંખમાં,
સાતે સમુદ્રો પાર કર્યા તોયે,
નથી ગુમાન એની આંખમાં ... પૂજારી

છોને લૂંટાય તારા રતન આ આંખના
છોને લૂંટાય હીરા લાખના,
હૈયાનો હીરો તારો કોઇથી લૂંટાય ના
ખોટા હીરાને ખેંચી રાખ મા ...પૂજારી

- ઇન્દુલાલ ગાંધી

Add comment

Security code
Refresh

Today's Quote

Let your life lightly dance on the edges of Time like dew on the tip of a leaf.
- Rabindranath Tagore
Cookies make it easier for us to provide you with our services. With the usage of our services you permit us to use cookies.
Ok