માલણ લાવે મોગરો
MP3 Audio
માલણ લાવે મોગરો રે,
કાચી કળીનો હાર;
આવતાં ભીંજે ચૂંદડી,
રણ મેઘ ન પડે ધાર.
રૂપલા કેરી ઊંઢાલણી રે,
સોના કેરી થાળ;
પીરસે પદ્મિની પાતળી રે,
તમે આરોગો નંદલાલ.
ચંદ્ર વિના શી ચાંદની રે,
દીવડા વિના શી રાત;
હરજી વિના શી ગોઠડી,
મારે જવું શામળિયા સાથ.
પાંચસાત ગોપીઓ ટોળે મળી રે,
ઊભી ચાંપલિયા હેઠ;
છેલ કાનુડો આવશે,
પેલી પાતલડીને ઘેર.
આંબુડો વાવે મલગુગડો,
જાંબુડો લહરે રે જાય;
ભલે મળ્યો મહેતા નરસૈંનો સ્વામી
મારી હૃદયા ટાઢી થાય.
- નરસિંહ મહેતા
Comments