રાગની એવી અનેરી રીત.
જાદુભરેલી, જોબનવાળી, આંખે મળી મારી મીટ;
એ જ પળે મારું હૈયું હરાયું, છૂટ્યું પ્રાણે સંગીત ... રાગની
મસ્ત મે'રામણ રોમમાં મારે, ઊછળી રહ્યો છે નીત;
તલસે છે તુજને મળવા માટે, ઠાલવી ઠાલવી પ્રીત ... રાગની
ગાલ ગુલાબી, મધુમય મુખડે, લાગ્યું ધ્યાન ખચિત;
રૂપની આગળ રાસ રમે છે, ચોરાયા જેવું ચિત્ત ... રાગની
ભૂલી શકાયે તને ના ઘડીયે, એવી થઈ છે પ્રીત;
દેવી તું મારા દિલડા કેરી, પૂરી થઈ તારી જીત ... રાગની
- શ્રી યોગેશ્વરજી