MP3 Audio
*
સાંઇનાથ આજે તો આવો જરૂર,
જિંદગી તમારા વિનાની ધૂળ ... સાંઈનાથ
કેટકેટલા દિનોથી તલસું તમોને,
અંતરની વેદના કહું કહોને કોને;
હૈયું થયું મળવાને ગાંડુતૂર... સાંઈનાથ
લાજે કૃપા તમારી જો ના પધારો,
આપેલા કોલ તમે સત્વર ના પાળો;
કેમ ગમે દિલને રહેવું દૂર ?... સાંઈનાથ
આંખોમાં અંજન છે આંજેલ પ્રેમનું,
અંગે અનુરાગ ભર્યો, દુર રહું કેમ હું ?
પ્રાણમહીં જાણે છે પ્રેમનું પૂર ... સાંઈનાથ
દર્શનની કામના કૃતાર્થ કરો આજે,
આશિષની વર્ષા કરો મારે કાજે;
અજવાળો અંગાગ રેલીને નૂર ... સાંઈનાથ
સેવાનો ભેખ લઇ વિચરો તમે તો,
ભક્તોને તારનાર બીજો કહો કો?
'પાગલ' છે પ્રેમી મહીં મશહૂર ... સાંઈનાથ.
- શ્રી યોગેશ્વરજી