બીન રહ્યું અંતરમાં વાગી.
રોમરોમમાં સૂર રમે છે,
કાયાને કરતાં વરણાગી ... બીન રહ્યું
વરસોથી વાગે અવિરત એ,
અનહદ નાદ ભરે તનમનને;
વરસોથી છે સુરતા લાગી,
ચિત્ત રહ્યું ચંચલતા ત્યાગી ... બીન રહ્યું
સુમધુર સૂર છવાયા કેવા,
અમૃતની લહરીના જેવા;
મિલ્કત હાથ પડી વણમાગી,
અંતર ખૂબ થયું અનુરાગી ... બીન રહ્યું
કોણ બજાવે બીન હૃદયમાં,
તમારા વિના કોણ જ જગમાં;
રૂપ નિરખવા શ્રેષ્ઠ સુહાગી,
લગન ગઈ દિલડાને લાગી ... બીન રહ્યું
- શ્રી યોગેશ્વરજી