પ્રેમ છે પ્રેમ છે

MP3 Audio

*

પ્રેમ છે પ્રેમ છે પ્રેમ છે રે
જેના દિલમાં તમારો પ્રેમ છે.

ભીતિ ને ભેદભાવ તેને કોઇ નથી,
હૈયામાં હેતનું હેમ છે રે,
જેના દિલમાં તમારો પ્રેમ છે ... પ્રેમ છે પ્રેમ છે

ચિંતા કરે તે વિષયોની શાને ?
મન તેનું ચંચલ કેમ છે રે,
જેના દિલમાં તમારો પ્રેમ છે ... પ્રેમ છે પ્રેમ છે

માયા ને મોહની ઝેરી છે જ્વાળા,
તેમાં બેઠો અનાસક્ત જેમ રે;
જેના દિલમાં તમારો પ્રેમ છે ... પ્રેમ છે પ્રેમ છે

આઠે પ્રહર તેને અંતર આનંદ છે,
જીવનમાં એક જેની નેમ છે રે;
જેના દિલમાં તમારો પ્રેમ છે ... પ્રેમ છે પ્રેમ છે

'પાગલ' કે' એનાથી દૂર ના રહેશો,
હાથે તમારા એનું ક્ષેમ છે રે,
જેના દિલમાં તમારો પ્રેમ છે ... પ્રેમ છે પ્રેમ છે

 - શ્રી યોગેશ્વરજી