શ્વેતાશ્વતર ઉપનિષદ

एको देवः सर्वभूतेषु गूढः  सर्वव्यापी सर्वभूतान्तरात्मा।
कर्माध्यक्षः सर्वभूताधिवासः साक्षी चेता केवलो निर्गुणश्च ॥११॥

eko devah sarvabhutesu gudhah
sarvavyapi sarvabhutantaratma।
karmadhyaksah sarvabhutadhivasah
saksi cheta kevalo nirgunascha ॥ 11॥

એક પરમ તે દેવ સર્વની હૃદયગુફામાં વાસ કરે,
સઘળે વ્યાપક, સૌ પ્રાણીના અંતર્યામીરૂપ રહે;
કર્મતણાં ફલ તે જ દે, બધા જીવોનો તે આશ્રય છે,
સૌનો સાક્ષી, ચેતન, કેવલ, શુદ્ધ અને ગુણથી પર છે. ॥૧૧॥

અર્થઃ

એકઃ - એક
દેવઃ - દેવ જ
સર્વભૂતેષુ - સઘળાં પ્રાણીઓમાં
ગૂઢઃ - છૂપાયેલા
સર્વવ્યાપી - સર્વવ્યાપક
સર્વભૂતાન્તરાત્મા - સર્વે પ્રાણીના અતંરાત્મા પરમાત્મા છે.
કર્માધ્યક્ષઃ - (એ જ) સૌનાં કર્મોના અધિષ્ઠાતા છે.
સર્વભૂતાધિવાસઃ - સર્વે ભૂતોના નિવાસસ્થાન
સાક્ષી - સૌના સાક્ષી
ચેતા - ચેતનાસ્વરૂપ
કેવલઃ - પરમ પવિત્ર
ચ - અને
નિર્ગુણઃ - ગુણાતીત છે.

ભાવાર્થઃ

એ પરમાત્મા દેવોના દેવ છે, સર્વે પ્રાણીઓમાં ગુપ્ત રીતે રહેલા એમના અંતર્યામી, સર્વવ્યાપી તથા કર્મોના નિયંતા છે. સૌના નિવાસસ્થાન, સૌ કોઇના સાક્ષી, ચેતન, પરમ પવિત્ર, એક અથવા અનન્ય અને ગુણાતીત છે.