MP3 Audio
*
મહાસંત મેં માન્યા તમને મહાસંત મેં માન્યા !
અખિલ જગતમાં સૌથી ઉત્તમ સિદ્ધપુરૂષ મેં જાણ્યા,
પ્રેમળ તેમ દયાળુ ખરેખર પિતા સમાન પ્રમાણ્યા ...મહાસંત.
ભક્ત જનોના પ્રાણ, દીનના આધાર સમા માન્યા;
અધમોદ્ધારક, મંગલકારક જીવનનું ધન જાણ્યા ...મહાસંત.
પરમાત્મા પોતે જ સનાતન રૂપ ધરીને આવ્યાં;
એ જ ભાવથી આજ લગીનાં ગીતોમાં મેં ગાયા ...મહાસંત.
'પાગલ' શ્રદ્ધા સત્ય કરી દો, કરી દો હવે દાયા;
મનોરથ કરો પૂરણ મારો, રંક જનોના રાયા !...મહાસંત
- શ્રી યોગેશ્વરજી